Беширова Улькяр

Bəşirova Ülkər Bayraməli qızı - Azərbaycan dili və ədəbiyyat müəllimi, Lənkəran şəhər 9 nömrəli tam orta məktəbinin təlim-tərbiyə işləri üzrə direktor müavini

2002-2007- ci illərdə LDU-da ali təhsil alıb.
2005-ci ildən Lənkəran şəhər 9 nömrəli tam orta məktəbində pedaqoji fəaliyyətə başlayıb. İşlədiyi illər ərzində iki dəfə məktəb üzrə "İlin ən yaxşı müəllimi" fəxri adına layiq görülüb. Hal-hazırda həmin məktəbdə təlim-tərbiyə işləri üzrə direktor müavini vəzifəsində çalışır.
Bəşirova 2015-ci ildə Azərbaycan Respublikası Təhsil Nazirliyinin və Edumedia Azərbaycan təşkilatının birgə təşkilatçılığı ilə keçirilən "Promethean interaktiv lövhələrinin dərsdə tətbiqi müsabiqəsində V-XI siniflər üçün hazırlanmış ən yaxşı resurs nominasiyası üzrə 1-ci yerə layiq görülüb.
AGMA və Maarifçilər Assosasiyasının üzvüdür.
Beynəlxalq Qiymətləndirmə Düşərgəsinin ən fəal təlimçi müəllimi olub.
Həm ölkə daxilində, həm də ölkə xaricində təşkil olunmuş müxtəlif beynəlxalq konfransların, seminarların aktiv iştirakçısıdır. 16-20 noyabr 2022-ci il tarixlərində Türkiyənin İzmir şəhərində təşkil olunmuş " Eğitimde Yeni Trendler - İzmir Forumu 2022" təlimində iştirak etmişdir.
Dünya müəllimlərinin qatıldığı "Best Global Educator Award 2022" layihəsinin qalibidir.
2022-2023-cü tədris ilində Microsoft İnnovative Educator Expert 2023 (Beynəlxalq Təhsil Eksperti 2023) adına layiq görülmüşdür.