Гурбанлы Мятин

Mən, Mətin Qurbanlı, 2004-cü ildə Sumqayıtda anadan olmuşam. Şahmatla tanışlığım 12 yaşımda başladı. Bəli, bəlkə də bir az gec, amma heç vaxt gec olmadığını sübut etmək üçün yorulmadan çalışdım. Müxtəlif çətinlikləri aşaraq bu günkü səviyyəmə çatdım. Oyunu ilk dəfə kəşf etdiyim andan, onun qısa müddətdə həyatımın ayrılmaz bir hissəsinə çevriləcəyini anlamışdım.

6 il ərzində Türkiyənin tanınmış ustaları ilə peşəkar şəkildə məşğul olaraq, yüksək səviyyəli nəzəri və praktiki biliklər qazandım. Bu illər ərzində Azərbaycanda I dərəcə əldə etmiş, həm yerli, həm də beynəlxalq yarışlarda iştirak edərək yüksək nəticələrə imza atmışam.

Hazırda usta (Candidate Master) tituluna gedən yolda fəal şəkildə yarışlarda çıxış edirəm və eyni zamanda şahmat təcrübəmi yeni nəsil oyunçulara ötürürəm. Dərslərimdə sadəcə fiqurların gedişlərini deyil, düşünmə tərzini, strateji plan qurmağı və psixoloji dözümlülüyü öyrədirəm.

Mənim üçün şahmat yalnız oyun deyil - təfəkkürü gücləndirən, intizamı formalaşdıran və həyatda düzgün qərar verməyi öyrədən bir məktəbdir.