Mustafayeva Günay

Mən biologiya müəllimiyəm və bu sahədə 5 illik pedaqoji təcrübəyə malikəm. Bakı Dövlət Universitetinin Biologiya fakültəsini bitirmişəm və hal-hazırda Bakı şəhəri, 53 nömrəli tam orta məktəbdə biologiya müəllimi kimi fəaliyyət göstərirəm.

2023-cü ildə Respublika üzrə rus sektoru üzrə keçirilən müsabiqədə 2-ci yer, Bakı şəhəri üzrə isə 1-ci yer qazanmışam. Eyni zamanda müəllimlərin sertifikatlaşdırılması imtahanında 60 baldan 51 bal toplamışam.

Hazırda abituriyent hazırlığı, eləcə də MİQ və sertifikasiya imtahanlarına hazırlıq ilə məşğulam. Bundan əlavə, “Kurikulum” fənnini ayrıca dərs kimi tədris edirəm və bu sahədə də geniş təcrübəm var.

Dərsləri sadə, anlaşılan və rahat üslubda izah edirəm. Şagirdlərin fənni daha dərindən qavraması üçün 3D vizual resurslar, qısa konspektlər, qrafiklər, test bankları və sınaq imtahanlarından istifadə edirəm.

Əsas məqsədim şagirdlərin əzbərləməsinə deyil, biologiyanı anlayaraq öyrənməsinə dəstək olmaqdır. Bu yanaşma onların həm özünəinamını artırır, həm də məqsədlərinə daha inamla çatmalarına kömək edir.