Валиева Сабина

Mən pedaqoji fəaliyyətə universitetə qəbul olunduğum ilk dövrlərdən başlamışam. Təhsil aldığım müddətdə məktəb şagirdlərinə riyaziyyat və kimya fənlərini izah etməklə repetitorluq etmişəm. Dərslər əsasən onlayn formatda keçirilirdi. Mövzuları daha aydın və anlaşılan şəkildə çatdırmaq üçün planşetdən istifadə edərək bütün izahları və tapşırıqların həllini vizual şəkildə çəkərək göstərirdim. Bu üsul şagirdlərin mövzunu daha yaxşı qavramasına və dərsi interaktiv şəkildə mənimsəməsinə kömək edirdi.

Dərslər zamanı məqsədim yalnız tapşırıqları həll etdirmək deyil, eyni zamanda şagirdlərin mövzunun məntiqini başa düşməsinə və analitik düşünmə bacarıqlarının inkişafına kömək etmək idi. Bu təcrübə mənə müxtəlif səviyyəli şagirdlərlə işləməyi, mürəkkəb mövzuları sadə və aydın şəkildə izah etməyi və onlayn tədris metodlarından effektiv istifadə etməyi öyrətdi.