Сафарова Гюляр

Mən ibtidai sinif müəlliməsiyəm və əsas məqsədim şagirdlərə biliklə yanaşı düzgün tərbiyə və dəyərlər aşılamaqdır. Dərslərimi maraqlı, şagirdyönümlü və interaktiv üsullarla keçməyə çalışıram. Şagirdlərin dərsə marağını artırmaq üçün müxtəlif oyunlar, fəaliyyətlər və müasir tədris metodlarından istifadə edirəm.

Dərslərimdə hər bir şagirdin fərdi xüsusiyyətlərini nəzərə almağa çalışır, onların sərbəst düşünməsini və öz fikirlərini ifadə etməsini təşviq edirəm. Məqsədim şagirdlərin yalnız dərs materialını öyrənməsi deyil, həm də özünə inamlı, məsuliyyətli və vətənini sevən bir şəxsiyyət kimi formalaşmasıdır.

Valideynlərlə əməkdaşlığa da böyük önəm verirəm. Çünki müəllim, şagird və valideyn birgə çalışdıqda uşaqların inkişafı daha uğurlu olur.