Haqqımda Salam! Mən Nərgiz Yusif, Bakı Dövlət Universitetinin İnformatika müəllimliyi ixtisası üzrə 4 ci kurs tələbəsiyəm. İnformatika sahəsinə böyük marağım var və əldə etdiyim bilikləri şagirdlərlə bölüşməyi sevirəm. Dərslərimi hər bir şagirdin səviyyəsinə uyğun şəkildə planlayır, mövzuları sadə və anlaşıqlı üsulla izah edirəm. Məqsədim şagirdlərdə informatika fənninə maraq yaratmaq, onların məntiqi düşünmə bacarığını inkişaf etdirmək və məktəb proqramını yüksək nəticələrlə mənimsəmələrinə kömək etməkdir. Keçdiyim dərslərə məktəb proqramı üzrə informatika, alqoritmlər və blok-sxemlər, Microsoft Word, Microsoft Excel, Microsoft PowerPoint, rəqəmsal savadlılıq, internet təhlükəsizliyi, həmçinin Python və C# proqramlaşdırmasının əsasları daxildir. Dərslər zamanı nəzəri biliklərlə yanaşı praktik tapşırıqlardan da istifadə edirəm ki, şagirdlər öyrəndiklərini rahat şəkildə tətbiq edə bilsinlər. Məsuliyyətli, səbirli, ünsiyyətcil və öyrənməyə açıq bir insanam. Hər bir şagirdə fərdi yanaşaraq onun bilik səviyyəsinə uyğun tədris metodu seçir və inkişafını mütəmadi izləyirəm. Məqsədim şagirdlərimin informatika sahəsində möhkəm təməl formalaşdırmasına və gələcək uğurlarına töhfə verməkdir.