Алиев Сабир

Mənim adım Sabir Əliyevdir. Hazırda **UFAZ-da (Fransa–Azərbaycan Universiteti)** təhsil alıram. Şahmatla **2013-cü ildən** məşğulam və **birinci dərəcəli şahmatçı**yam. Uzun illər ərzində qazandığım təcrübə sayəsində həm oyunun nəzəriyyəsini, həm də praktik tərəflərini dərindən mənimsəmişəm.

Uşaqlar və yeni başlayanlar üçün fərdi şahmat dərsləri keçirəm. Dərslər zamanı hər bir mövzunu sadə və anlaşıqlı şəkildə izah edir, şagirdlərin oyunun məntiqini başa düşməsinə kömək edirəm. Açılışlar, taktika, strategiya, oyunsonu (endşpil, partiyaların təhlili və tez-tez rast gəlinən səhvlər üzərində birlikdə işləyirik.

Hər şagird üçün fərdi yanaşma tətbiq edirəm. Əgər şagird şahmata yeni başlayırsa, qaydaları, fiqurların hərəkətlərini və əsas prinsipləri addım-addım öyrənəcəyik. Artıq müəyyən biliyə malik olan şagirdlərlə isə taktiki düşüncənin inkişafı, reytinqin yüksəldilməsi və turnirlərə hazırlıq istiqamətində çalışırıq.

Mən hesab edirəm ki, şahmat yalnız bir oyun deyil, eyni zamanda məntiqi düşüncə, diqqət, yaddaş, səbir və düzgün qərarvermə bacarıqlarını inkişaf etdirən bir elmdir. Dərslərimdə əsas məqsədim şagirdlərin həm güclü şahmatçı, həm də analitik düşünən, özünəinamlı insanlar kimi formalaşmasına dəstək olmaqdır.

Əgər siz və ya övladınız şahmatı sıfırdan öyrənmək, biliklərini inkişaf etdirmək və ya turnirlərə hazırlaşmaq istəyirsinizsə, məmnuniyyətlə bu yolda sizə kömək edəcəyəm. Dərslər maraqlı, səmərəli və hər şagirdin səviyyəsinə uyğun şəkildə təşkil olunur.