İmtina et
Suallar və cavablar
Saytdan istifadə zamanı çətinlik yaranarsa, nə edim?

Saytdan istifadə edərkən hər-hansı bir problemlə üzləşsəniz, help@repetitor.az e-poçt ünvanına yazın və ya +994 70 755-89-01 qaynar xətti ilə əlaqə saxlayın.

Anketimin reytinqini necə qaldıra bilərəm?

Anketinizin reytinqi bir neçə meyar əsasında müəyyən olunur. Bəzi vacib məqamları diqqətinizə çatdırırıq: anketiniz keyfiyyətli şəkildə və tam olaraq doldurulmalıdır, profiliniz təsdiqlənmiş olmalıdır, tələbələr rəy bildirməlidirlər. Reytinq göstəriciniz nə qədər yüksək olsa, dərslərinizə bir o qədər çox şagird cəlb edə biləcəksiniz.

Anketin sayta yerləşdirilməsi pulnandır?

Müəllimlər öz anketlərini pulsuz şəkildə sayta yerləşdirə bilərlər. Repetitor.az tərəfdən anketlərə və dərslərə görə heç bir ödəniş tətbiq olunmur.

Hesabımın şifrəsini unutmuşam. Nə edim?

Şifrənizi unutmusunuzsa, əsas səhifədə “Daxil ol” düyməsini klikləyib “Bərpa edin”i seçin. Daha sonra telefon nömrənizi qeyd edin və “Bərpa et” düyməsini klikləyin. Nömrənizə SMS vasitəsilə təsdiq kodu göndəriləcək. Kodu yığdıqdan sonra yeni şifrəni təyin edin.

Profil şəklim necə olmalıdır?

Tələbələr repetitor seçərkən onun profil şəklinə böyük önəm verirlər. Çünki profil şəkli repetitor haqqında bir çox şeyi söyləyir və tələbələrə tədris prosesi zamanı özlərini rahat hiss edib-etməyəcəklərini anlamağa kömək edir.

Şəkilinizin uyğun olub-olmadığına əmin olmaq üçün aşağıdakılara diqqət yetirin:

  • Şəkildə üzünüz və gözləriniz tam görsənməlidir (dini səbəblər istisna olmaqla);
  • Şəkil şaquli formada çəkilməlidir, görüntünüz isə onun mərkəzində;
  • Şəkildə gülümsəyin və kameraya baxın;
  • Şəkil bulanıq deyil, yüksək keyfiyyətli və rəngli olmalıdır;
  • Şəkildə filtrlərdən az istifadə olunmalıdır;
  • Neytral işıqlandırma və fon;
  • Şəkildə başqa adam olmamalıdır.

Nəzərə alın ki, bu pasport şəkli deyil. İlk dərsdə tələbələri salamlayırmış kimi gülümsəyin!

Aşağıdakı şəkillər qəbul olunmur:

  • Loqo və ya əlaqə məlumatları əks olunursa;
  • Şəkildə repetitordan başqa adam varsa;
  • Çərçivəli və ya qıraqları qara olan şəkillər;
  • Keyfiyyətsiz, bulanıq, qaranlıq şəkillər;
  • Çox redaktə olunmuş şəkillər;
  • Ağlı-qaralı şəkillər.

Profilinizin qeydiyyatdan dərhal sonra təsdiqlənməsi üçün şəklinizin bütün tələblərə cavab verdiyinə əmin olun. Əks halda şəkliniz qəbul olunmayacaq və qeydiyyat prosesi daha uzun çəkəcək.