Bədəlov Sarvan

1992-2003-cü illərdə Sumqayıt şəhəri 22 saylı orta ümumtəhsil məktəbində orta təhsil almışam. 2003-2007-ci illərdə Sumqayıt Dövlət Universiteti Tarix fakültəsindən "Tarixçi və tarix müəllimi" ixtisası üzrə bakalavr, 2008-2010-cu illərdə Azərbaycan Dövlət Pedaqoji Universitetindən "Türk dünyası tarixi” ixtisası üzrə magistr dərəcəsi almışam. 2012-ci ildən AMEA Arxeologiya və Etnoqrafiya İnstitutunun dissertantıyam.
Pedaqoji fəaliyyətə magistraturada oxuduğum illərdə Bakı şəhərində yerləşən Beynəlxalq Ümumtəhsil məktəbində (hazırda ERA məktəbi adlanır) tarix fənnini tədris etməklə başlamışam. 2009-2012-ci illərdə həmin məktəbdə tarixin interaktiv tədrisini təşkil etmişəm.
2010-2015-ci illərdə Azərbaycan Müəllimlər İnstitutu Sumqayıt filialında tarix müəllimi kimi tədris fəaliyyəti göstərmişəm. 2015-ci ilin sentyabrından Sumqayıt Dövlət Universiteti Tarix və Coğrafiya fakültəsində tarix müəllimi kimi işləməkdəyəm. Müxtəlif kafedralarda-Avropa və Amerika ölkələrinin yeni və ən yeni tarixi, Qədim dünya və orta əsrlər tarixi, tarix və onun tədrisi metodikası kafedralarının müəllimi olmuşam. Hal-hazırda Tarix və onun tədrisi metodikası kafedrasının baş müəllimiyəm.
Abituriyentlərin ali məktəblərə qəbul imtahanlarına hazırlaşdırıram. Bununla yanaşı, Müəllimlərin İşə Qəbul (MİQ) və Müəllimlərin sertifikasiyası imtahanlarına hazırlığı üçün dərslər keçirəm. Dərslər özümün hazırladığım PDF-lər və testlər əsasında təşkil olunur. Bununla yanaşı, həmkarlarımın hazırladığı vəsaitlərdən də yardımçı olaraq istifadə edirəm. Müvafiq surətdə sınaqlar təşkil edirəm və sualların, dərs boyunca meydana çıxan anlaşılmazlıqların izahını verirəm. Sadəcə test əzbərçiliyi yox, tarixi dünyagörüşün və məntiqi-tənqidi düşüncə tərzinin formalaşdırılmasına çalışıram. Situasiya və mənbə tipli suallarla işləməyin metodikasını mənimsədirəm.


DİL BİLİKLƏRİ:
RUS və İNGİLİS dillərini bilirəm. İngilis dili üzrə beynəlxalq sertifikata malikəm. (İELTS certificate, 6.0 score (B2 profil) – 2019-cu il sentyabr). Ərəb dilini başlanğıc səviyyədə bilirəm.

Müxtəlif növlü intellektual yarışmaların (“Nə? Harada? Nə zaman?”, “Xəmsə” Milli İntellektual Oyunu, Fərdi oyun, Erudit kvartet və s.) təşkilatçısı, sual tərtibatçısı və iştirakçısı olmuşam. SDU-da və Sumqayıt şəhərində müxtəlif bilik yarışları təşkil edirəm.

İŞTİRAK ETDİYİM LAYİHƏLƏR:
1. Bakı Biznes Universitetinin Avropa Komissiyası EACEA-dan qazandığı Qrant layihə-“EQAC- Azərbaycan Universitetlərində Keyfiyyətə Təminat Mərkəzlərinin Yaradılması və İnkişaf etdirilməsi”, layihə üzrə Sumqayıt Dövlət Universitetinin mütəxəssisi. Layihə çərçivəsində 2018-ci il oktyabrın 9-11-də Bakıda, yenə həmin ilin noyabrın 11-18-i tarixlərində Litvada, Vilnüs şəhərində keçirilən təlimlərin iştirakçısı olmuşam.
2. Student-centred approach in higher education: learning outcomes, teaching, learning and assessment methods” training held within the EU-funded Twinning project “Support to strengthening the higher education system in Azerbaijan” (Aİ tərəfindən maliyyələşdirilən “Azərbaycan ali təhsil sisteminin gücləndirilməsinə dəstək” Twinning layihəsi çərçivəsində keçirilmiş “Ali təhsildə tələbə əsaslı yanaşma: təlim nəticələri, tədris, təlim və qiymətləndirmə metodları” təlimi), Baku, 18-20 February 2020.

İŞTİRAK ETDİYİM TƏLİM VƏ SEMİNARLAR:
 Tədqiqat imkanları, Sumqayıt Dövlət Universiteti, 14.12.2018
 Uğurlu layihə yazmaq yolları (qaydaları və mexanizmləri), Sumqayıt Dövlət Universiteti, 15.12.2018
 Azərbaycan Müəllim İnkişaf Mərkəzi tərəfindən təşkil olunan “Beyin xəritəsi və onun təhsildə rolu” təlimi (4 akademik saat), 25.05.2019-cu il
 Azərbaycan Müəllim İnkişaf Mərkəzi tərəfindən təşkil olunan “Dərs prosesində qrafik vasitələrin tətbiqi” seminarı (4 akademik saat), 27.05.2019
 “Müəllimin təsirli nitqi”. Diksiya Akademiyasının seminarı. Təlimçi Cəlalə Nəzəroğlu. 24 noyabr 2019-cu il.
 Dəyirmi masa-The round table “Issues of Innovative Quality Assurance of Specialist Training in higher education”. Organized by Middlesex University London in collaboration with Sumgayit State University as part of the EQAC project (586351-EPP-1-AZ-EPPKA2-CBHE-JP). Establishing and development of Quality Assurance Centers at Azerbaijan Universities. Co-funded by the Erasmus+ Programme of the European Union. November 28-29, 2019, Sumgayit, Azerbaijan.
 “Müəllimlərin İKT savadlılığı və elektron resursların hazırlanması” seminarı, Bakı, 25.01.2020