Əhmədova Nərminə

Mən, Əhmədova Nərminə Elfail qızı. 26 yaşım var. Ali bakalavriat və magistratura təhsili almışam. "Azərbaycan dilində zoonimik leksikanın linqvistik xüsusiyyətləri" adlı magistr dissertasiyasının müəllifiyəm. Dissertasiyam əsasında bir sıra məqalələrim dərc olunmuşdur. Həmçinin "Məktəblinin zoologiya lüğət"i adlı kiçik həcmli lüğətin də müəllifiyəm. Mənim üçün Azərbaycan dili və ədəbiyyat fənləri ucsuz bucaqsız ümman kimidir. Tədris etdiyim fənləri təkcə gəlir əldə etmək üçün deyil həmçinin sevdirmək üçün çalışıram. Pedaqoji təcrübəni müxtəlif kurslarda və seminarlarda əldə etmişəm. Həmçinin onlayn və canlı şəkildə repetitorluq fəaliyyəti ilə də məşğul oluram. Öyrətməyi çox sevirəm. Şagird mənim öyrətdiyim məlumatları yadda saxlayıb tətbiq etdikdə qürur və sevinc hissləri keçirirəm. Tələbkar olmaqla bərabər, dərsin maraqlı və şən keçməsinin də tərəfdarıyam. Mənim fikrimcə, əsl öyrədici dərs elə qurulmalıdır ki, vaxtın necə keçdiyini nə müəllim, nə də şagird hiss etməsin. Həmçinin bütün şagirdlər dərs prosesinin fəal iştirakçısına çevrilməlidirlər. Çünki bütün uşaqların oxumaq hüququ var. Və bu hüququ onların əlindən almaq böyük cinayətdir. Bu cinayətin cəzası isə cəmiyyətə mənəvi zədə vuran fərdlərin yetişməsidir.