Muradova Rahidə

Rahidə Muradova — Coğrafiya müəllimi, geomorfoloq

Bakı Dövlət Universitetində Coğrafiya müəllimliyi ixtisası üzrə bakalavriat təhsilini başa vurmuş, həmin universitetdə Geomorfologiya ixtisaslaşması üzrə magistratura səviyyəsində təhsilimi davam etdirmişəm. Pedaqoji fəaliyyətim dövründə orta təhsil pilləsində, hazırlıq kurslarında və fərdi tədris formatlarında abituriyent və təkmilləşdirmə yönümlü dərslərin təşkili ilə məşğul olmuşam və 3 illik pedaqoji təcrübəyə malikəm.

Elmi fəaliyyətim çərçivəsində coğrafiya və geomorfologiya sahələrinə dair müxtəlif mövzularda həm Azərbaycanda, həm də xarici ölkələrdə elmi məqalələrim nəşr olunmuşdur. Eyni zamanda, 2024-cü ildən etibarən Dövlət İmtahan Mərkəzinin yeni təhsil proqramına (kurikulum) uyğun qiymətləndirmə materiallarının hazırlanması və meyarlar əsasında yoxlanılması prosesində Marker müəllim kimi fəaliyyət göstərirəm.

Tədrisdə müasir pedaqoji yanaşmalara, şagird yönümlü metodlara və elmi-nəzəri biliklərin praktik tətbiqinə xüsusi önəm verirəm. Məqsədim, coğrafiya elminin müxtəlif aspektlərini dərindən mənimsətməklə yanaşı, bu sahəyə maraq və tədqiqat ruhu aşılayan bir tədris mühiti formalaşdırmaqdır.