Abdullayeva Fidan

Mən, Fidan Abdullayeva, 2022-ci ildən pedaqoji fəaliyyətə başlamış, şagirdlərimin dil bacarıqlarını inkişaf etdirməyə həsr olunmuş bir ingilis dili müəllimiyəm. Dərslərimdə ənənəvi yanaşmadan fərqli olaraq, interaktiv və yaradıcı metodlardan istifadə edirəm. Şagirdlərimin dərsə marağını artırmaq üçün hekayə anlatma, oyunlar, vizual materiallar və real həyatda tətbiq edilə bilən situasiyalar üzərində işləyirəm.

Dərs prosesimdə hər bir şagirdin fərdi inkişafını nəzərə alaraq, onların öyrənmə üslubuna uyğun yanaşmalar tətbiq edirəm. Kiçik yaşlı şagirdlər üçün vizuallar, offline və online oyunlar, dinləmə tapşırıqları və səhnələşdirmə kimi texnikalardan istifadə edirəm ki, bu da onların danışıq qabiliyyətini inkişaf etdirməyə kömək edir.

Dərslərimi daha da fərqləndirən məqam isə Cambridge English dərsləri tədris etməyimdir. Bununla yanaşı, təkmilləşdirmə proqramları və buraxılış imtahanlarına hazırlıq dərsləri də keçirəm.

Məqsədim, hər bir şagirdin öz potensialını maksimum dərəcədə reallaşdırmasına kömək etmək və dili yalnız bir fənn kimi deyil, ünsiyyət vasitəsi kimi mənimsətməkdir. Əgər siz də innovativ və effektiv bir yanaşma ilə ingilis dili öyrənmək istəyirsinizsə, birlikdə çalışmağa şad olaram!