Cəbrayılov Nizami

Mən, Nizami Cəbrayılov, 28 ildir ki, tarix fənninin tədrisi ilə peşəkar səviyyədə məşğulam. 1993-cü ilin sentyabr ayından etibarən Sumqayıt şəhərinin orta məktəblərində tarix müəllimi kimi çalışıram. 1995-ci ildə Bakı Dövlət Universitetinin Tarixçi və Tarix müəllimi ixtisasını bitirmişəm.

Tədris prosesində müasir yanaşmalar tətbiq edərək interaktiv tədris metodologiyası üzrə həm rus, həm də azərbaycan bölmələrində dərs keçirəm. Müasir yanaşmalar, texnologiyadan istifadə və fənlərarası əlaqələr əsasında təlim proqramları qururam.

Bununla yanaşı, uzun illərdir ki, II və III ixtisas qrupları üzrə abituriyent hazırlığı ilə məşğulam. Bakı və Sumqayıt şəhərlərində hazırladığım onlarla şagird yüksək ballarla ali məktəblərə qəbul olaraq uğurlarımı bölüşürlər.

Nailiyyətlərim və fəaliyyətim:
- 2012-ci ildə şagirdim respublika üzrə Tarix fənni üzrə olimpiadanın qalibi olub.
- 2024-cü ildə şagirdim Tağıyeva Aişə "Ən yaxşı təqdimat" müsabiqəsində II yerə layiq görülüb.
- Həmin müsabiqədə — Abşeron-Xızı Regional Təhsil İdarəsi tərəfindən təşkil edilən yarışmada münsiflər heyətinin üzvüyəm.
- 2012-ci ildə ailəmlə birlikdə İctimai Televiziyada yayımlanan “Aləm Ailəm” intellektual yarışmasının finalçısı olmuşam.

Peşəkar fəaliyyətimlə yanaşı, gənc nəslin milli-mənəvi dəyərlər ruhunda yetişməsi və tarix elminə marağının artırılması mənim əsas məqsədim olmuşdur.