Hussain Gulya

Mənim adım Gülyadır, mən 8 ildən artıq təcrübəsi olan onlayn ingilis dili müəllimiyəm. Bu illər ərzində 2 000-dən çox tələbə ilə işləmışəm – şagirdlər, tələbələr, sahibkarlar və müxtəlif sahələrdə çalışan peşəkarlarla. TEFL sertifikatına sahibəm və daim yeni tədris metodları üzrə təlimlərə qatılıram.

Dərslərimin əsas prinsipi – real həyatda işləyən ingilis dilidir. Zamanın çox hissəsini danışığa, özünəinamın artırılmasına, söz ehtiyatının genişləndirilməsinə və qrammatikanın praktik tətbiqinə ayırırıq. Hər tələbə üçün şəxsi, tam fərdiləşdirilmiş proqram tərtib edirəm: danışıq ingilisi, biznes ingilis dili, IELTS / TOEFL / FCE/ CAE imtahan hazırlığı və ya iş müsahibəsinə hazırlıq.

Dərslər onlayn formada — Teams və ya Zoom vasitəsilə keçirilir. Strukturlu dərs formatı tətbiq edirəm: ilkin səviyyənin diaqnostikası, materialın izahı, intensiv praktik tapşırıqlar, rəy və ev tapşırığı. Birlikdə irəliləyişinizi addım-addım izləyir və nəticəni görürük.

Ödəniş proqramdan asılı olaraq dəyişir: General English, Business English, Exam Preparation və ya Interview Preparation. Hər istiqamətin tempi, hədəfi və yükü fərqli olduğu üçün qiymətlər də uyğun olaraq dəyişir.

Məqsədim yalnız ingilis dilini öyrətmək deyil — sizi dili həyatda istifadə edə biləcək səviyyəyə çatdırmaqdır: sərbəst danışmaq, başa düşmək və hər vəziyyətdə özünüzə güvənmək :)