Abdullazadə Ceyran

ADU-da Koreya dili üzrə tərcüməçilik ixtisasını bitirdikdən sonra Koreyada tam təqaüdlə və 100% ingilis dilində MBA (Biznesin İdarəedilməsi təhsili aldım. IELTS sertifikatımı əldə etdikdən sonra kurs rəhbərimin təklifi ilə ingilis dili danışıq müəllimi kimi fəaliyyətə başladım.

2022-ci ildən bəri əsasən IELTS-ə hazırlaşan və xaricdə təhsil hədəfləyən yüzlərlə tələbənin speaking bacarıqlarını inkişaf etdirməsinə dəstək olmuşam. Onların bir çoxu xaricdə təhsil almaq, beynəlxalq mühitdə işləmək və peşəkar həyatlarında irəliləmək məqsədlərinə çatıb.

Öyrətmə fəlsəfəmin mərkəzində tələbələrlə səmimi və güvənə əsaslanan münasibət qurmaq dayanır. Çünki insan yalnız özünü rahat hiss etdiyi mühitdə səhv etməkdən qorxmur və daha sürətli inkişaf edir. Vaxtilə xarici dildə danışarkən öz kompleksləri və qorxuları ilə mübarizə aparmış biri kimi bu hissləri çox yaxşı anlayıram. Buna görə də məqsədim yalnız ingilis dili öyrətmək deyil, tələbələrimin özlərini daha sərbəst ifadə etmələrinə və özgüvən qazanmalarına kömək etməkdir.

Xaricdə 100% ingilis dilində biznes təhsili almış, gündəlik və akademik həyatında illərdir ingilis dilindən istifadə edən, daim öz üzərində çalışan bir müəllim olaraq məqsədim tələbələrimin ingilis dilində sərbəst və inamlı ünsiyyət qurmasına dəstək olmaqdır.

Əgər danışıq bacarıqlarınızı inkişaf etdirmək, diskussiya aparmağı öyrənmək və ingilis dilində daha rahat danışmaq istəyirsinizsə, mənimlə əlaqə saxlaya bilərsiniz.