Hadiyeva Nəzrin

Mən Bakı Dövlət Universitetində İnformatika müəllimliyi ixtisası üzrə təhsil almışam. İnformatika və proqramlaşdırma sahəsində biliklərimi daim inkişaf etdirir, şagirdlərlə işləyərkən mövzuların sadə və anlaşıqlı şəkildə izahına xüsusi diqqət yetirirəm.

DİM imtahanına hazırlaşan abituriyentlər üçün informatika, həmçinin sıfırdan başlayanlar üçün Python proqramlaşdırma dərsləri keçirəm. Dərslər zamanı mövzular mərhələli şəkildə izah olunur, DİM tipli testlər və çətin suallar birlikdə həll edilir, praktiki tapşırıqlar yerinə yetirilir və mütəmadi sınaqlarla şagirdin inkişafı izlənilir.

Python dərslərində proqramlaşdırmanın əsasları, şərt operatorları, dövrlər, siyahılar, lüğətlər, funksiyalar, OOP, fayllarla işləmə və digər mövzular praktiki nümunələr əsasında öyrədilir.

Dərslər online formatda, şagirdin bilik səviyyəsinə uyğun proqram əsasında keçirilir. Əsas məqsədim mövzunu əzbərlətmək deyil, məntiqini başa salmaq və şagirdin öyrəndiklərini sərbəst şəkildə tətbiq edə bilməsinə kömək etməkdir.