Qurbanova Aydan

Salam! Mən Aydan. İngilis dili, kompüter əsasları və milli rəqslər üzrə fərdi və qrupda dərslər keçirəm.

İngilis dili:
IELTS nəticəm 8.0-dır və təxminən 1 illik repetitorluq təcrübəm var. Dərslər zamanı şagirdin səviyyəsinə və məqsədinə uyğun fərdi yanaşmağa çalışıram. Danışıq, qrammatika, söz ehtiyatı və tələffüz üzərində işləyirik. Əsas məqsədim şagirdin ingilis dilində özünü rahat və inamlı hiss etməsinə kömək etməkdir.

Kompüter əsasları:
ADA Universitetində Information Technology ixtisası üzrə təhsil alıram. Bundan əlavə, Holberton School Azerbaijan-da Full-Stack Web Development üzrə təhsil almışam. Bu müddət ərzində proqramlaşdırma, kompüter sistemləri, verilənlər bazası, Git və digər IT sahələri üzrə praktiki biliklər əldə etmişəm. Kompüterdən istifadəni yeni öyrənən və ya əsas kompüter biliklərini inkişaf etdirmək istəyən şəxslərə sadə və aydın şəkildə kömək edə bilərəm.

Rəqs:
Bakı Xoreoqrafiya Akademiyasını bitirmişəm və rəqs sahəsi üzrə diplomum var. Balet, Azərbaycan milli rəqsləri və müxtəlif xalqların rəqsləri üzrə təcrübəm var. Həm uşaqlar, həm də böyüklər üçün fərdi dərslər keçirə bilərəm.

Dərslərimi rahat, pozitiv və səmimi atmosferdə keçirməyə üstünlük verirəm. Hər bir şagirdin səviyyəsini və məqsədini nəzərə alaraq dərsləri ona uyğun qururam.