Əhmədli Şamil

Riyaziyyat müəllimi Şamil Əhmədli

Mən, Şamil Əhmədli, 9 illik pedaqoji təcrübəyə malik riyaziyyat müəllimi və təlimçisiyəm. 2024-cü il müəllimlərin sertifikasiya imtahanında 54/60 bal nəticə göstərmişəm.

Fəaliyyətimdə əsas məqsədim şagirdlərə riyaziyyatı dərindən mənimsətmək, məntiqi təfəkkürlərini inkişaf etdirmək və onları qarşılarına qoyduqları hədəflərə çatdırmaqdır. Dərslərimdə şagirdlərin bilik səviyyəsini nəzərə alır, mövzuları sistemli şəkildə izah edir, müxtəlif çətinlik səviyyəli tapşırıqlar və sınaqlar vasitəsilə biliklərini möhkəmləndirirəm.

Hazırlıq istiqamətlərim:

- 5–8-ci siniflər üzrə riyaziyyat və məntiq;
- Lisey və gimnaziyalara qəbul hazırlığı;
- Fənn müsabiqələri və riyaziyyat olimpiadalarına hazırlıq;
- 9-cu sinif buraxılış imtahanına hazırlıq;
- 11-ci sinif buraxılış və qəbul imtahanlarının riyaziyyat fənni üzrə hazırlıq;
- Müəllimlərin MİQ və sertifikasiya imtahanlarına hazırlığı.

Dərslərimi onlayn formatda, müasir tədris üsullarından, elektron materiallardan, mövzu testlərindən və sınaq imtahanlarından istifadə etməklə təşkil edirəm. Şagirdlərin inkişafını izləməyə, çətinlik çəkdikləri mövzuları müəyyənləşdirməyə və fərdi yanaşma əsasında onların nəticələrini yaxşılaşdırmağa xüsusi önəm verirəm.

İnanıram ki, düzgün istiqamətləndirmə, sistemli çalışma və müəllim-şagird əməkdaşlığı uğurun əsasını təşkil edir. Məqsədim yalnız mövzuları öyrətmək deyil, həm də şagirdlərdə müstəqil düşünmə, problem həll etmə və özünəinam bacarıqlarını formalaşdırmaqdır.

Keyfiyyətli təhsil, sistemli hazırlıq və yüksək nəticə üçün birlikdə çalışaq!