Isgəndərova Nuranə

2018-ci ildə Mingəçevir Dövlət Universitetinin pedaqoji fakültəsinin ibtidai sinif müəllimliyi ixtisasını bitirmişəm. 4 ildən çox pedaqoji təcrübəm var. Hazırda evimdən dərslərimi tədris edirəm. Dərslərimiz əyani və ya distant (onlayn) olaraq keçirilir. Ünvan Binə qəsəbəsindədir. Əgər ünvanınız uzaqdırsa, onlayn dərslərimizə də qoşula bilərsiniz. Dərslər yalnız fərdi şəkildə keçirilir.  Hər 2 fənn: Azərbaycan dili və riyaziyyat fənləri üzrə dərslər təşkil olunur.  Oxuyub-anlama, sürətli oxu, yazı texnikasının düzgünlüyü, riyazi əməllər üzərində işlər, qaydaların mənimsənilməsi, açıq və qapalı testlər, mətn testləri bir sözlə, hər şey öyrədilir. Qeyd edim ki, Azərbaycan dili fənnini Azərbaycan dili dərslikləri əsasında hazırladığım vəsaitim olan "Azərbaycan dili qaydaları" kitabımdan tədris edirəm. Bu kitab təkcə keçdiyi sinif üzrə deyil, hətta yuxarı siniflər üçün də əsaslı təkan rolunu oynayacaq. Vəsaitimdə dərslikdə və test vəsaitində verilən qaydaların ümumi toplu izahı əks olunub.
Hər zaman beynəlxalq təlimlərə qoşulan, inkişafyönümlü, çalışqan xarakterimlə fərqlənirəm. Əsasən dövlət icazəli təlimlərə qoşulmuş, beynəlxalq sertifikatlarla təltif olunmuşam. SELÇUK Aydın Bülbul hocamın "Değerler eğitiminde aile ve öğretmen", "Erken çocukluk döneminde ritm ve orff eğitimi", "Farklı yaş grupları-farklı okuma teknikleri", "Çocuklarda kaygıbdurumları ve başa çıkma teknikleri", "Çocuklarda P4C felsefe eğitimi", "Erken çocukluk döneminde gelişimsel değerlendirme", "Erken çocukluk döneminde davranış problemleri", "Okul, aile işbirliği ve öğretmenin rolü" adlı təlim proqramlarını xüsusi bacarıqla tamamlamışam. Bundan əlavə adını qeyd etmədiyim onlarla seminar və təlimlərdə iştirak etmiş, fərqlənmə sertifikatı ilə təltif olunmuşam. Sosial müəlliməm. Mənim üçün şagird rəyi daha çox önəmlidir. Fikrini tamamlamadan yeni izah və ya suala keçməməyə xüsusi diqqət göstərirəm. Əyləncəli dərs metodu ilə şagirdin biliyini bacarıq şəklində ifadə etməsinə dəstək oluram. Əsas olaraq da peşəmi sevərək tədris edirəm. Mənə görə, yuxarıda sadaladıqlarımı həyata keçirməyimə ən əsas motivasiyam işimi sevməyimdir.
Biz dərslərimizdə həm öyrənirik, həm də əylənirik. Siz də övladınızın təhsilini düşünürsünüzsə, vaxt itirmədən müraciət edə bilərsiniz.