Xəlilzadə Tural

Azərbaycan Dövlət Mədəniyyət və İncəsənət Universitetinin "Musiqili Teatr Rejissoru" ixtisasını fərqlənmə diplomu ilə bitirmişəm. Azərbaycan Respublikası Mədəniyyət Nazirliyi tərəfindən təsdiq edilmiş "Bəstəkarlıq", "Aranjiman", "Musiqi Menecmenti" və "Yaradıcı İnkişaf Proqramı" sertifikatlarının sahibiyəm.

18 illik pedaqoji təcrübəyə malik peşəkar gitara müəllimiyəm. Bu müddət ərzində 1000-dən artıq tələbə yetişdirmişəm. Pedaqoji fəaliyyətim dövründə yetişdirdiyim tələbələrin bir çoxu yerli festival, müsabiqə və mədəni tədbirlərdə uğurla çıxış edərək müxtəlif diplom və mükafatlara layiq görülmüşdür. Onların bir qismi peşəkar musiqiçi kimi fəaliyyət göstərir, digər qismi isə gitara müəllimi kimi çalışaraq musiqi təhsilinin inkişafına töhfə verirlər.

Peşəkar fəaliyyətim dövründə Amerika Birləşmiş Ştatlarında və Türkiyənin bir sıra böyük şəhərlərində keçirilən beynəlxalq musiqi festivallarında iştirak etmişəm. Müxtəlif musiqi qruplarının tərkibində ifaçı kimi səhnə fəaliyyəti göstərmişəm.

Gitara ilə yanaşı fortepiano və zərb alətlərində də ifa etmə bacarığına malikəm. Eyni zamanda vokal dərsləri də keçirəm.

Tədris prosesində əsas məqsədim yalnız texniki bilik və bacarıqların ötürülməsi deyil, həmçinin tələbələrdə musiqi zövqünün formalaşdırılması, yaradıcılıq potensialının inkişaf etdirilməsi, ifa mədəniyyətinin yüksəldilməsi və səhnə davranışı vərdişlərinin aşılanmasıdır.